அடுத்த ஆண்டுமுதல் நெதர்லாந்து பாடசாலைகளில் ஏற்படவுள்ள மாற்றம்!

வகுப்பறைகளில் தொலைப்பேசிகள், மற்றும் ஸ்மார்ட் தொழிநுட்ப பொருட்கள் பயன்படுத்துவதை தடை செய்ய நெதர்லாந்து அரசு நடவடிக்கை எடுத்துள்ளது. 

இதன்படி அடுத்த ஆண்டுமுதல், வகுப்பறைகளில் ஸ்மார்ட் தொழிநுட்ப பொருட்களை பயன்படுத்த அனுமதியில்லை எனத் தெரிவிக்கப்பட்டுள்ளது. 

தொழில்நுட்ப பொருட்கள் கற்றல் செயற்பாடுகளை  சீர்குலைப்பதை நிறுத்துவதை நோக்கமாகக் கொண்டே மேற்படி நடவடிக்கை எடுக்கப்பட்டுள்ளதாக கூறப்பட்டுள்ளது. 

இதன்படி அக்டோபர் மாதத்திற்குள் ஆசிரியர்கள், பெற்றோர்கள் மற்றும் மாணவர்களுடன் உள்ளக விதிகளை ஏற்றுக்கொள்ளுமாறு பள்ளி அதிகாரிகளிடம் அரசாங்கம் கேட்டுக் கொண்டுள்ளது.  

இது முறையான தடையாக இல்லாவிட்டாலும், அடுத்த ஆண்டு முன்னேற்றத்தை அளந்த பிறகு அதனை சட்டமாக கொண்டுவர அரசாங்கம் நடவடிக்கை எடுத்துள்ளது. 

இதேவேளை கடந்த 2018 ஆம் ஆண்டு பிரான்சில் ஆரம்ப மற்றும் நடுநிலைப் பள்ளிகளில் கவனம் செலுத்துவதை மேம்படுத்தவும் ஆன்லைன் கொடுமைப்படுத்துதலைத் தடுக்கவும் இதேபோன்ற தடை அறிமுகப்படுத்தப்பட்டது. இங்கிலாந்து பள்ளிகளும் அத்தகைய தடையை அறிமுகப்படுத்தலாம் என்று பரிந்துரைத்துள்ளமை குறிப்பிடத்தக்கது.