பொலிஸாரால் பிரான்ஸும் தீக்குளித்தது: 150 பேர் கைது

பொலிசார் துப்பாக்கிச் சூட்டில் 17 வயது இளைஞன் இறந்ததைத் தொடர்ந்து, பிரான்சின் பாரிஸில் தொடங்கிய பொதுப் போராட்டங்கள் அதிகரித்துள்ளன.

 150க்கும் மேற்பட்ட ஆர்ப்பாட்டக்காரர்கள் பொலிஸாரால் கைது செய்யப்பட்டுள்ளதாக வெளிநாட்டு ஊடகங்கள் தெரிவித்துள்ளன.

 காவல்துறை உத்தரவை மதிக்காமல், சம்பந்தப்பட்ட குறித்த இளைஞன் கார் ஓட்டிச் சென்றுள்ளார், பின்னர் அவர் காவல்துறை அதிகாரியால் சுட்டுக் கொல்லப்பட்டார்.

 இளைஞரை எப்படி சுட்டுக் கொன்றார் என்பதை காட்டும் காணொளி சமூக வலைதளங்களில் பகிரப்பட்டதால் ஆத்திரமடைந்த மக்கள் பொலிசாருக்கு எதிராக போராட்டத்தில் ஈடுபட்டனர்.

 இரண்டாவது நாளாக தொடரும் போராட்டத்தை கருத்தில் கொண்டு, பொலிஸ் நிலையங்கள், பொலிஸ் அதிகாரிகள் மற்றும் வாகனங்களுக்கு தீ வைத்து போராட்டக்காரர்கள் கலவரத்தில் ஈடுபட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

 தொடர் விசாரணையில் உயிரிழந்தவர் அல்ஜீரிய நாட்டைச் சேர்ந்த இளைஞர் எனத் தெரியவந்துள்ளது.

 2017 ஆம் ஆண்டு முதல், போக்குவரத்து சம்பவங்களில் பிரெஞ்சு காவல்துறையினரால் கொல்லப்பட்ட பலர் கறுப்பின மக்கள் அல்லது அரபு வம்சாவளியைச் சேர்ந்தவர்கள் என்பது தெரியவந்துள்ளது.

 இது தொடர்பான கொலைச் சம்பவத்திற்கு கண்டனம் தெரிவித்துள்ள பிரான்ஸ் ஜனாதிபதி இம்மானுவேல் மக்ரோனும் காவல்துறை மீது குற்றம் சுமத்தியுள்ளதாக கூறப்படுகிறது.

இச்செய்திக்கு பிரதான அனுசரணை

வீடியோ இங்கே