துறைமுகத்தில் நங்கூரமிட்டிருந்த பனாமா கப்பலில் பதுங்கி வெளிநாடு செல்ல முயன்ற 4 பேர் விளக்கமறியலில்

கொழும்பு துறைமுகத்தில் நங்கூரமிட்டிருந்த பனாமா நாட்டுக்கு சொந்தமான கப்பலுக்குள் பதுங்கி சட்டவிரோதமாக வெளிநாடு செல்ல முயன்ற நால்வரையும் எதிர்வரும் 18ஆம் திகதி வரை விளக்கமறியலில் வைக்குமாறு காலி பதில் நீதவான் பிரேமரத்ன திராணகம நேற்று (11) உத்தரவிட்டார்.

துறைமுகத்தில் நங்கூரமிட்டிருந்த பனாமா கப்பலில் பதுங்கி நாடு சென்ற 4 பேர் விளக்கமறியலில் வைக்கப்பட்டனர்.

யாழ்ப்பாணம் வேலணையைச் சேர்ந்த சுகந்தன் யோகராசா (31), யாழ்ப்பாணம் தொண்டமனாறு பகுதியைச் சேர்ந்த முருகந்தன் ஜடாசன் (25), யாழ்ப்பாணம் புதுக்குடியிருப்பைச் சேர்ந்த துரைலிங்கம் துஷாந்தன் (32), மற்றும்   யாழ்ப்பாணம் அராலி வடக்கைச் சேர்ந்த ஸ்ரீதரன் ஜெசாந்தன் (வயது 32) ஆகியோரே    விளக்கமறியலில் வைக்கப்பட்டனர்.

கொழும்பு துறைமுகத்தில் நங்கூரமிட்டுள்ள CMA CGE என்ற பனாமா நாட்டு சரக்குக் கப்பலில் கடந்த மார்ச் 24ஆம் தேதி சட்டவிரோதமாக ஏறி, கப்பல் கடந்த 25ஆம் தேதி அமெரிக்கா நோக்கிப் பயணத்தைத் தொடங்கியது.

  கடந்த 26ஆம் திகதி சூயஸ் கால்வாய்க்கு அருகில் கப்பல் பயணித்த போது இவர்கள் கப்பலின் ஊழியர்கள் இல்லை என கப்பலின் ஊழியர்கள் அடையாளம் கண்டுகொண்டதையடுத்து கப்பலின் கெப்டனால் கடந்த 26ஆம் திகதி கைது செய்யப்பட்டுள்ளனர்.

இந்த சம்பவத்தை கப்பல்களை கையாளும் காக்ஷிப்பிங் இன்ஸ்டிட்யூட்டுக்கு தெரியப்படுத்திய பின்னர், அவர்கள் கப்பலை ஜாக்சன் விரிகுடாவிடம் ஒப்படைத்துவிட்டு கப்பலை அமெரிக்காவிற்கு அனுப்பினர்.

நேற்று முன்தினம் (10ம் திகதி) மாலை காலி துறைமுகத்திற்கு அருகில் உள்ள கடல் எல்லையை வந்தடைந்த Jackson Bay என்ற கப்பல் இந்த நால்வர் தொடர்பில் குடிவரவு அதிகாரிகளுக்கு தெரியப்படுத்தியுள்ளது.

சந்தேகநபர்களை நீதிமன்றத்தில் ஆஜர்படுத்திய பொலிஸார், ஒரு இலட்சம் ரூபா சம்பளத்திற்கு வெளிநாட்டு வேலைவாய்ப்பை வழங்க முடியும் என இணையம் ஊடாக இனங்காணப்பட்ட ஒருவருக்கு தலா ஒரு இலட்சம் ரூபாவை வழங்கியதாகக் கூறினர். பின்னர் 24 ஆம் திகதி இரவு, இந்த நால்வரும் வேலை செய்யும் ஆடைகளை (ஓவரால்) உடுத்தி இரகசியமாக கப்பலில் ஏறியதாகவும் சந்தேக நபர்கள் குடிவரவு மற்றும் மனித கடத்தல் சட்டத்தின் கீழ் நீதிமன்றில் முற்படுத்தப்பட்டதாகவும் பொலிஸார் நீதிமன்றத்தில் தெரிவித்தனர்.

இந்த நால்வரும் அப்பாவிகள் எனவும், அவர்களுக்கு பிணை வழங்குமாறும் சந்தேக நபர்களின் சட்டத்தரணி கோரியுள்ளார். முன்வைக்கப்பட்ட உண்மைகளின்படி பிணை வழங்க முடியாது என பதில் நீதவான் தெரிவித்துள்ளார்.