வளைகுடா நாடுகளுக்கு செல்லும் தொழிலார்களுக்கு அரபு கலாச்சாரம் மற்றும் மொழி தொடர்பான பயிற்சி!

இலங்கையில் இருந்து தொழிலுக்காக வளைகுடா நாடுகளுக்கு செல்லும் தொழிலார்களுக்கு அரபு கலாச்சாரம் மற்றும் மொழி தொடர்பான பயிற்சிகளை வழங்க நடவடிக்கை எடுக்கப்பட்டுள்ளது.

இது தொடர்பான கலந்துரையாடல் அரபு லீக்கில் உள்ள ஒன்பது நாடுகளை உள்ளடக்கிய அரபு கவுன்சில் உறுப்பினர்களுக்கும் கல்வி அமைச்சருக்கும் இடையில் இன்று காலை கல்வி அமைச்சில் இடம்பெற்றது.

இந்த கலந்துரையாடலில் இலங்கைக்கான அரபு கவுன்சிலின் தலைவர், பாலஸ்தீன தூதுவர் டாக்டர் சுஹைர் எம்.எச்.தார் செயிட், சவூதி அரேபியா, ஈராக் மற்றும் எகிப்து ஆகிய நாடுகளின் மூன்று உயர்மட்ட இராஜதந்திரிகள் கலந்து கொண்டனர்.

ஒரு கலந்துரையாடலில் உயர் கல்வி உதவித்தொகை மற்றும் மாணவர் பரிமாற்ற திட்டங்கள் ஆகியவை அடங்கும் என்று அமைச்சக அதிகாரி ஒருவர் தெரிவித்தார்.