ஜெனிவாவில் வாக்களிக்காத நாடுகளும் எமக்கு ஆதரவாக உள்ளன..: அமைச்சர் சாந்த பண்டார

ஜெனிவா மனித உரிமைகள் அமர்வில் இலங்கைக்கு எதிராக தீர்மானம் நிறைவேற்றப்பட்ட போதிலும் உண்மையில் நடந்தது இலங்கைக்கு ஆதரவாக 27 நாடுகள் செயற்பட்டமையே என ஊடக இராஜாங்க அமைச்சர் சாந்த பண்டார தெரிவித்துள்ளார்.

இலங்கைக்கு எதிராக 20 நாடுகள் வாக்களித்த போதிலும் 27 நாடுகள் இலங்கைக்கு ஆதரவளித்துள்ளதாக அவர் மேலும் தெரிவித்தார்.

சீனா, பாகிஸ்தான், பொலிவியா, கியூபா, எரித்திரியா, உஸ்பெகிஸ்தான் மற்றும் வெனிசுலா ஆகிய நாடுகள் இலங்கை மற்றும் இந்தியா, ஜப்பான், மலேசியா, இந்தோனேஷியா, பிரேசில், ஐக்கிய அரபு எமிரேட்ஸ் ஆகிய நாடுகளுக்கு ஆதரவாக வாக்களித்தன.

கத்தார் உட்பட 20 நாடுகள் தீர்மானத்தின் மீது வாக்கெடுப்பில் கலந்து கொள்ளவில்லை.

மனித உரிமைகள் பேரவையின் 51வது அமர்வில் இலங்கை சார்பில் உரையாற்றிய வெளிவிவகார அமைச்சர் ஜனாதிபதி சட்டத்தரணி அலி சப்ரி, இலங்கை தொடர்பில் கொண்டு வரப்பட்டுள்ள புதிய பிரேரணைகளை முற்றாக நிராகரிப்பதாக தெரிவித்தார்.

ஜெனிவா மனித உரிமைகள் ஆணைக்குழுவின் ஆரம்பத்தில் இலங்கைக்கு எதிராக முன்வைக்கப்பட்ட பிரேரணைக்கு 30 வாக்குகள் கிடைக்கும் என எதிர்பார்க்கப்பட்ட நிலையில் 20 நாடுகளே அந்த தீர்மானத்திற்கு ஆதரவாக வாக்களித்தன.