யானைகள் தொடர்பான அரசாங்கத்தின் முடிவு: ஹிஷினி விக்கிரமசிங்க ராஜினாமா

தேசிய விலங்கியல் பூங்கா திணைக்களத்தின் பணிப்பாளர் நாயகம் ஹிஷினி விக்கிரமசிங்க தனது பதவியில் இருந்து ராஜினாமா செய்வதாக அறிவித்துள்ளார்.

தனிப்பட்ட காரணத்திற்காக அவர் பதவி விலகுவதாக அறிவித்துள்ளார்.

வனவிலங்கு இராஜாங்க அமைச்சர் விமலவீர திஸாநாயக்க இதனை உறுதிப்படுத்தியுள்ளார்.

எனினும் அரசாங்கம் தற்போது வைத்திருக்கும் சில யானைகளை அவற்றின் அசல் உரிமையாளர்களிடம் ஒப்படைக்க அரசு எடுத்த முடிவுக்கு எதிர்ப்பு தெரிவித்து அவர் ராஜினாமா செய்துள்ளதாக தகவல்கள் வெளியாகியுள்ளது.

இந்த புதிய முடிவால் சட்டவிரோதமாக பிடிபட்ட யானைகளை கடத்தல்காரர்களுக்கு திருப்பி அனுப்பும் வாய்ப்பு இருப்பதாக பல கட்சிகள் தெரிவித்துள்ளன.

ஹிஷினி விக்கிரமசிங்க முன்னாள் பிரதமர் ரணில் விக்கிரமசிங்கவின் உறவினர் ஆகும்.